күштер мен құралдардың шоғырлану тығыздығы

(Плотность сил и средств)

күштер мен құралдардың 1 км майдан шебіне орта есеппен келуімен саналатын ұрыс әрекетіндегі ауданның (бағыттың, учаскенің) әскермен және әскери техникамен толықтырылу дәрежесі. Ол әскерлердің шабуылда шешуші соққы бағытында күштері мен құралдарын жинау, ал қорғаныста негізгі күштерді шоғырландыру, сондай-ақ майданның қосалқы бағыттарындағы (учаскелеріндегі) ұрыстық мүмкіндіктері деңгейінің көрсеткіші болып келеді және қолбасшының (командирдің) операцияға (ұрысқа) деген ой жоспарын көрсетеді. Операцияны (ұрысты) жоспарлау барысында К.қ.ш.т. есептік көрсеткіштік қызмет атқарады және барлық ұрыстық әрекет алқаптары мен бағыттары бойынша күштер мен құралдардың қатынастарын санау арқылы әскер (қызмет) салаларының бастықтарының қатысуымен штаб анықтайды. Мұндай жағдайда, әр түрлі бағыттағы К.қ.ш.т. алқаптың (учаскенің) әскермен және әскери техникамен жалпы толықтыруынан күрт айырмашылығы болуы мүмкін. Қорғаныс операциясында таңдалған бағытта шабуылдаушы қарсыласты алғы шеп кіре берісінде және оның алдында жоюды, қорғанысқа енген қарсыласты құрту мен басып алынған бекіністерді ұстап тұруды, ал шабуылда артиллериялық дайындық және оның бүкіл әскерлер соққысымен тереңдік бойынша қорғанысын бұзу кезінде негізгі объектілерін атыспен сенімді жоюды, шабуыл барысында күштерді көбейтуді, қарсыластың ықтимал қарсы шабуылы мен шешуші соққысын тойтаруды, оның қорлары мен тереңдікке шабуылының дамуын талқандауды қамтамсыз ететін К.қ.ш.т. жасалады. Қажетті К.қ.ш.т. басты бағытта қосалқы күштер, құрамалар мен бөлімдердің шабуыл (қорғаныс) алқаптарын тарылту, сондай-ақ әскерлерді қордағы күштермен күшейту жолымен құрылуы мүмкін. Әдетте, Қ.қ.ш.т. жаяу әскерлер, танктер, артиллериялар және бөгеттер тығыздықтарына бөлінеді. 1 км маңдайшепке К.қ.ш.т. жаяу әскерлер (мотожаяу әкерлер) үшін — батальондарда (тактикалық тығыздық) немесе дивизияға бөлінетін километр мөлшері (оперативтік тығыздық); танктер үшін — ұрыс машиналары санымен, ал артиллериялар үшін — зеңбіректер, минаатарлар және дүркінді атыстың реактивтік жүйлерінің санымен есептелінеді.